Zlatan Ibrahimoviç u zyrtarizua ditën e sotme, si përforcimi i parë i Milanit në prag të merkatos së janarit. Suedezi u rikthye te kuqezinjtë pas 7 vitesh, teksa do të synojë të bëjë sërish protagonistin te 7 herë fituesit e Championsit.
Sulmuesi do të përfitojë 2.5 milionë euro deri në fund të sezonit aktual, ndërsa 4 të tjera do t’i arkëtojë automatikisht nëse ndihmon Piolin të kapë Europën duke rezultuar gjithashtu vendimtar me gola e karizëm në rritjen e një skuadre, e cila si mangësi kryesore ka personalitetin. Me ndërhyrjen e Raiolës shifra është rritur në 6.5 milionë euro në total, e teksa Boban e Maldini kanë shtuar 500 mijë euro në propozimin e tyre, edhe Ibra i ka ulur pretendimet.
Menjëherë pas zyrtarizimit, Ibra nuk ka nguruar të dhurojë “show” në rrjetet sociale, duke postuar një foto tepër speciale, teksa shfaqet duke bërë mundje dore me “djallin”. “Zlatan i njëjti, djalli i ndryshëm. Milan arrita”, shkruan portugezi në “Facebook”.
