Prej kohësh po flitej për një kalim të Carlos Alenës te Real Betis dhe ditën e sotme ka ardhur dhe zyrtarizimi. Barcelona ka njoftuar në një komunikatë zyrtarisht kalimin e Alenës në formën e huazimit te Betis. Spanjolli do të jetë pjesë e andaluzianëve deri në fund të sezonit.
Kjo është edhe lëvizja e parë në kampin katalanas. Alena kishte luajtur vetëm në katër takime këtë sezon në La Liga, ku në dy prej tyre e nisi si titullar. Kjo edhe ishte arsyeja e largimit të 21-vjeçarit, i cili do të provojë të gjejë më shumë hapësira në Sevilje.
