Inter po mendon të përforcohet dhe emri i parë që është në listën e trajnerit Antonio Conte është Arturo Vidal. Afrimi i tij duket se është komplikuar dhe në rast se operacioni për kilianin dështon, atëherë italianët kanë gati planin B.
Julian Weigl i Borussia Dortmund mund të kalojë në Milano. Ai nuk ka të njëjtat karakteristika me Arturo Vidal, por mund të bëjë rolin e mesfushorit defensiv. Avantazhi i tij është se nuk e ka problem të luajë as në qendrën e mbrojtjes. Lojtari nuk ka shkëlqyer këtë sezon në Bundesliga, ndërsa zikaltrit e shohin si okazion.
Kontrata e tij skadon në vitin 2021 dhe me një ofertë të mirë, Dortmundi mund ta lërë të lirë që në merkaton e janarit. Emri i tij ka filluar të përsëritet më shpesh në korridoret e Interit. Conte mund të bëjë blic me afrimin e tij dhe të Vidal.