Mbrojtësi i Kukësit, Gëzim Krasniqi ka rinovuar me skuadrën verilindore deri në fund të sezonit. Ishte vetë klubi që përmes një njoftimi zyrtarizon zgjatjen e bashkëpunimit.
“Panorama Sport” bëri me dije ditën e djeshme, se klubi vendosi që pas kërkesës së trajnerit Shpëtim Duro, të federojë qendërmbrojtësin kavajas, i cili është një vlerë e shtuar në repartin e prapavijës për pjesën e mbetur të sezonit.
Krasniqi vjen pas një dëmtimi të gjatë, por ka dy muaj që po kryen stërvitje me grupin dhe është gati për të qenë në fushën e lojës.
Shtatlarti u dëmtua rëndë në sezonin e kaluar, teksa më pas iu nënshtrua edhe operacionit në gju.
