Sulmuesi brazilian Neymar ia ka siguruar fitoren Paris Saint-Germainit me një gol të bukur në udhëtim ndaj Toulouse të shtunën pasdite.
Toulouse e priti PSG-në në stadiumin e qytetit në Toulouse në kuadër të javës së 25-të, ndeshje të cilën mysafirët e fituan me rezultat minimal 1-0, raporton Express.
PSG vuajti shumë për të gjetur rrjetën e portës së vendasve në këtë ndeshje, dhe kur iu desh më së shumti, Neymar u shfaq duke shënuar gol individual në minutën e 68-të.
Me tri pikët e plota të fituara me mund të madh në këtë ndeshje, PSG tani ka grumbulluar 65 pikë në total dhe i prin renditjes tabelore në Ligë 1 të Francës, duke e lënë Marseillen 13 pikë mbrapa në vendin e dytë.
Ndërkohë, Toulouse mbetet e 15-ta me 26 pikë.
