Talenti suedez Dejan Kulusevski mund të bëhet futbollist i Juventusit.
Dy mediat e njohura të futbollit “Sky Sport Italia” dhe “Gazzetta dello Sport” pretendojnë se palët kanë arritur një akord personal me 19-vjeçarin, ndërsa thuhet se “Zonja e Vjetër” është e gatshme të paguajë plot 50 milionë euro për kartonin e lojtarit të Atalantës, i cili aktivizohet këtë sezon në formë huazimi te Parma.
Po këto dy media shkruajnë se Kulusevski do të vishet bardhezi pas përfundimit të këtij sezoni.
Edhe pse tepër i ri, Kulusevski ka mahnitur klubet e njohura të futbollit duke realizuar 4 gola dhe dhënë 7 asiste gjatë këtij sezoni në kampionatin italian. Ai u vlerësua si “Lojtari më i mirë i muajit dhjetor” në Serinë A.
Pasi dështoi të transferonte sulmuesin norvegjez Erling Haland, i cili zgjodhi në fund Borusia Dortmundin, drejtuesit e Juventusit i hedhin sytë te Kulusevski.
