Zlatan Ibrahimoviç u rikthye te Milani dhe është gati për një nga sfidat e fundit në karrierën e tij të suksesshme.
Para firmës me kuqezinjtë, në mediat italiane flitej se dhe Bolonja ishte e interesuar për shërbimet e suedezit dhe këtë e ka zbuluar trajneri serb Sinisha Mihajloviç.
Në një intervistë për “Sportweek”, serbi është shprehur: “Po, jam zhgënjyer që Ibra nuk erdhi te Bolonja, këtu do të ishte argëtuar më shumë. Skuadra do të ishte vënë në shërbimin e tij. Por nuk ka asgjë për t’u qortuar. Ai më tha se nëse do të zgjidhte Bolonjën do ta bënte për mua. Por ndikuan edhe çështjet familjare në zgjedhjen e tij”.
“Ai më telefonoi përpara se të vendoste dhe është treguar njeri i fjalës. Do mbetet një mik për mua”, përfundon Mihajloviç.