Milan nuk e nisi mirë vitin e ri, teksa nuk shkoi më shumë se sa një barazim zhgënjyes ndaj Sampdorias në shtëpi me shifrat 0-0. Problemi më i madh i kuqezinjve mbetet sulmi dhe Piolit duket se i është sosur durimi.
Sipas raportimeve të fundit në mediat italiane, pritet që tekniku i “Djallit” të luajë më dy sulmues në sfidën e ardhshme ndaj Cagliarit. Piatek dhe Suso do të përfundojnë në stol, me Leaon dhe Ibrahimovic që do të luajnë së bashku në sulm.
Dilema më e madhe është se kush do të luajë pas tyre, me Calhanoglu, Paqueta dhe Bonaventura që janë në balotazh mes tyre. Në treshen e mesfushës gjithashtu ka shumë dyshime, pasi vetëm Bennacer e ka vendin e sigurt.
Në mbrojtje ndryshimi i vetëm do të jetë Calabria, i cili me paraqitjen e dobët ndaj Sampdorias, sipas gjasave do të ngrohë stolin për pjesën e mbetur të sezonit. Conti do të luajë në krahun e djathtë, ndërsa pjesa tjetër nuk lëviz, me Theo, Romagnoli dhe Musacchio që konfirmohen si titullarë.
MILAN: Donnarumma; Conti, Romagnoli, Musacchio, Theo; Bennacer, Krunic, Bonaventura, Paqueta? (Calhanoglu?); Leao, Ibrahimovic
