Berat Gjimshiti konfirmohet sërish si një element mjaft i rëndësishëm për Atalantën në Seria A.
Në sfidën e javës së 35-të që ekipi i Gasperinit po luan në transfertë ndaj Lacios, ishte mbrojtësi shqiptar, që në minutën e 76-të, dha iluzionin e golit, por në fakt ishte autogol i Uallas.
Në një goditje nga këndi, Gjimshiti kërceu mbi të tjerët në zonë, dhe me kokë u afrua te topi, por në fakt goditja ishte devijuar drejt portës së Strakoshës nga Uallas.
