Një ndër dështimet më të mëdha në merkaton e Milanit sa i përket viteve të fundit është padyshim Mattia Caldara.
Mbrojtësi u mor nga Juventus për 35 milionë euro, por në një vit e gjysmë nuk ka luajtur asnjë minutë në Serie A, për shkak edhe të dëmtimeve.
Së fundmi, Caldara u largua drejt Atalantës, të cilët e kanë huazim me të drejtë blerje për 15 milionë euro.
Në lidhje me rikthimin e mbrojtësit në Bergamo, ka folur agjenti i tij, Giuseppe Riso, i cili ka snobuar Milanin, duke u shprehur në media se Caldara po kthehet te familja dhe shtëpia e tij.
“Zgjedhja e Mattias ishte e qartë. Ai u kthye te familja dhe te shtëpia e tij.
Në aventurën e tij te Milani, Mattia nuk pati fat.
Ardhja e tij tek Atalanta është një hap shumë i rëndësishëm për t’u rikthyer dhe për të gjetur vazhdimësinë”, përfundoi agjenti i Caldarës.