Jurgen Klopp mund të ketë probleme janarin e ardhshëm teksa Kupa e Kombeve Afrikane është rivendosur të zhvillohet sërish në janar.
Turneu është luajtur në verë në dy vitet e fundit, megjithatë, pas vetëm një turneu të luajtur në verë, kanë nisur bisedimet për të ndryshuar përsëri kalendarin, që do të thoshte se turneu i radhës do të zhvillohej në janar-shkurt të vitit 2021 në Kamerun .
Presidenti i CAF (Konfederata Afrikane e Futbollit) mendon se rikthimi në data e mëparshme është më i preferuar se zhvillimi i turneut në verë.
Kjo do të thoshte se Sadio Mane dhe Mohamed Salah, të cilët përfaqësojnë Senegalin dhe Egjiptin, nuk do të jenë pjesë e Liverpool për rreth gjashtë javë. Po ashtu do të mungonte edhe Naby Keita, i cili përfaqëson Guinean.
Arsenali do të humbiste Pierre-Emerick Aubameyang që përfaqëson Gabonin dhe Nicolas Pepe të Bregut të Fildishtë.