Tashmë është e konfirmuar që Nedim Bajrami është një nga dëshirat kryesore të Fatih Terimit në krye të skuadrës së Gallatasarajit. Mesfushori që pret dritën jeshile për të qenë pjesë e Kombëtares shqiptare, është prej ditësh objekt negociatash mes skuadrës së Gallatasarajit dhe Empolit.
Kjo e fundit, me ngjitjen në Serinë A, ka fituar vëmendjen e shumë klubeve për disa nga yjet e saj, ku një prej tyre është fantazisti shqiptar. Mediat në Turqi bëjnë me dije se kjo do të jetë java e ofensivës për të përmbushur këtë transferim në mënyrë që trajneri terim të ketë nën urdhra numrin 10.
