Barcelona është kualifikuar “in extremis” çerekfinalen e Kupës së Spanjës.
Me një formacion titullar thuajse me lojtarë rezerve katalanasit i likujduan modestët e Ibizaz falë dopietës së Antuan Grizmanit.
Skuadra e Kike Setien u shtang që në minutën e nëntë kur Ibiza kaloi në avantazh. Goli i shënuar ndaj Barcelonës ngriti në këmbë tifozët vendas. Megjithatë, falë Grizmanit, Barcelona e siguroi kualifikimin në çerekfinale me dygolëshin e yllit francez.
Kur dukej se takimi do të shkonte drejt 30 minutave shtesë, Grizman i vuri kapak çështjes së kualifikimit duke realizuar golin e fitores ndaj Ibizas.
