Sulmuesi Vedat Muriqi është kthyer në liderin e Fenerbahçes. Shqiptari shënoi në fitoren 2-0 ndaj Instanbul Basaksehirt në ditën e djeshme. Lojtari i Kosovës ka realizuar 12 gola në 18 ndeshje të luajtura këtë sezon duke qenë lojtari i 3 me më shumë gola në ligë.
Interesi për të është rritur dhe së fundmi bëhet me dije se në garë për shqiptarin nuk është vetëm Tottenhami, por dhe Manchester United. Të dy ekipet angleze kanë dëshirë për të afruar lojtarin e golit dhe shqiptari i Kosovës duket një bast i mirë.
Ai është 25 vjeç dhe të jep siguri, pasi ka shënuar regullisht si me ekipin e tij si me Përfaqësuesen e Kosovës. Shtatlarti mund të bëjë hapin e madh në karrierë dhe është i hapur për një goditje të tillë.
