Përballja e parë e gjysmëfinales së Kupës së Italisë midis Milanit dhe Juventusit në “San Siro” ka tërhequr një numër të madh tifozësh.
Klubi kuqezi njofton nëpërmjet një njoftimi zyrtar deri tani janë shitur 50 mijë bileta për sfidën e dy gjigantëve të futbollit italian. Kur duhen dhe 12 ditë nga ballafaqimi në fushë mes “Djallit” dhe “Zonjës së Vjetër”, duket se numri total i biletave do të “avullojë” në kohë rekord.
Përmirësimi i ndjeshëm në rezultate i Milanit pas rikthimit të Zllatan Ibrahimoviçit dhe Juventusit të fuqishëm në kampionat kanë bërë që shumë tifozë të nxitojnë për të ndjekur këtë sfidë të nxehtë mes rivalëve të përjetshëm.
Për më tepër, dy liderët e këtyre skuadrave Ronaldo dhe Ibrahimoviç do të kenë një duel personal midis tyre.
