Real Madridi fitoin derbin e kryeqytetit spanjoll me rezultatin minimal 1-0. Skuadrës së Zinedin Zidan i mjaftoi goli i sulmuesit francez Karim Benzema në minutën e 56-ë të sfidës së zhvilluar në “Santiago Bernabeu”.
Kjo fitore forcon moralin e “Los Blancos”, të cilët mbrojnë kreun e klasifikimit në kampionatin spanjoll me 49 pikë, 6 më shumë se rivali direkt Barcelona, por që ka një ndeshje më pak.
Pas fitores në finalen e Superkupës së Spanjës, Reali i shkakton një tjetër tronditje Atletikos, e cila vuan dhe skualifikimin nga Kupa e Mbretit.
