Kalendari i pjesës së dytë ka qenë i ngjeshur dhe jo i favorshëm, si për lojtarët e Partizanit, por edhe për tifozët, që nesër kanë transfertën e 4-t radhazi.
Ndonëse janë zhytur në krizë rezultatesh, ultrasit e kuq do të jenë pranë skuadrës edhe në Gjirokastër. “Ultras Guerrils” e mbështet Partizanin në çdo stadium, dhe kjo gjë mendohet të ndodhë edhe nesër.
Përveç të zakonshmëve që nisen nga kryeqyteti, pritet që edhe një grup ultrasish të kuq nga Saranda dhe zona përreth Gjirokastrës të jenë nesër të pranishëm në stadium për të mbështetur skuadrën, me shpresën se do të vijë edhe kthesa e shumëkërkuar.
Takimin e parë në shtëpi për këtë vit Partizani e luan javën tjetër me Flamurtarin.
