Me Zhoze Murinjon nuk ka kurrë barriera në të folur. Madje, nëse këto mungojnë kur ai përballet me gazetarët apo kolegët e tij, me lojtarët që ka në skuadër mund të tregohet edhe më i ashpër sesa kaq.
Dhe diçka të tillë e ka vuajtur mbi shpatulla Kurt Zuma, mbrojtësi i Çelsit, i cili në një intervistë të fundit ka treguar një prapaskenë, një mbledhje kokë më kokë të kërkuar nga portugezi, pas një humbjeje të bluve të Londrës, pak vite më parë: “Nuk e mbaj mend çfarë ndeshjeje ishte, por kujtoj se kishim humbur 3-1 në transfertë.
Murinjo më thërret në zyrën e tij dhe më pyet: ‘Kurt, gjithçka OK’? Dhe unë që i përgjigjem: ‘Po’. Ndërsa ai vazhdon sërish: ‘Po të pyes gjithçka OK?’ Dhe unë sërish: ‘Po, gjithçka OK trajner’. Ndërsa në fund më bëri të ngrij i tëri: ‘Po të pyes gjithçka OK, sepse dje më bërëe për të vjellë’. Mbeta pa fjalë, por pas atij diskutimi brenda meje ndjeva një dëshirë për t’i treguar se do ta fitoja sërish besimin e tij”, tha Zuma.
