Kridens Meta pritet të jetë arbitri kryesor i ndeshjes Tirana-Skënderbeu, që do të zhvillohet sot në orën 17:00 në stadiumin “Air Albania”.
Burime të “Panorama Sport” tregojnë se sektori i gjykimit i ka besuar arbitrit kryesor të Kolegjiumit të Tiranës, i cili ka më shumë se kushdo eksperiencë nga 18 gjyqtarët elitarë që janë përzgjedhur për të vendosur drejtësi në Superiore këtë sezon.
Nuk dihet ende nëse ky takim do të jetë me gjashtë arbitra, por gjasat janë që të jetë vetëm me katër, teksa FSHF duket se do t’i japë përparësi më tepër ndeshjes Bylisi-Kukësi. Asistentë të Metës do të jenë Denis Rexha dhe Mariglen Llukmani, teksa i pari mban edhe stemën e FIFA-s.
