Philipe Coutinho së shpejti do të jetë një futbollist komunitar, duke i dhënë mundësi Barcelonës që të ketë hapësirë në organikë për një tjetër futbollit cilësor joeuropian.
Mesfushori brazilian së shpejti do të pajiset me pasaportë portugeze, e drejtë kjo që i lind nga lidhja bashkëshortore me Aine. Sipas legjislacionit në Portugali mjafton që një nga bashkëshortët te ketë pasaportë portuegeze që pas 3 vitesh martesë ta përfitojë edhe tjetri.
Ne rastin konkret kriteret janë plotësuar, sepse Philipe dhe Aine kanë lidhur kurorë që në vitin 2012.
Aktualisht 3 vendet e lojtarëve ekstrakomunitarë te “Blaugranat” janë zënë nga Coutinho, Yerry Mina dhe Paulinho, ndërsa Luiz Suarez konsiderohet komunitar, sepse ka marrë pasaportë italiane nga bashkëshortja e tij Sofia Balbi.
Nënshtetësia portugeze për Coutinhon i hap rrugë transferimit nga Gremio të mesfushorit brazilian Arthur, i cili mbetet objektivi kryesor i drejtuesve të Barcelonës.
