KAOS është fjala ideale për të përshkruar gjendjen në Serie A. Ministria kërkoi mbylljen e kampionatit, ndërsa drejtuesit e kampionatit penguan fillimin e ndeshjes ndërmjet Parmës dhe SPAL-it. Të dy ekipet nuk zbritën në fushën e lojës, ndërsa tashmë ka ardhur një vendim tjetër.
Sky Sport konfirmon se ndeshja ndërmjet Parmës dhe SPAL-it është shtyrë për t’u luajtur në orën 13:45. Një situatë krejtësisht absurde, pasi lojtarët duhet të nisin sërish nxehjen.
Ky vendim vlen vetëm për këtë ndeshje, ndërsa mbetet për t’u diskutuar fati i takimeve të tjera të parashikuara për t’u luajtur ditën e sotme. Situatë absurde!