Kalidu Kulibali është kthyer në një nga mbrojtësit më të mirë në Serinë A , duke veshur fanellën e Napolit dhe tani mendohet se vlen deri në 80 milionë euro, Por kur Napoli e mori nga kampionati belg, ku luante me Genk, drejtuesit e klubit italian ndërruan pak mendje për shkak të internetit.
Në një intervistë të dhënë për mediat franceze, Kulibali ka shpjeguar se për të, kishte negociuar vetë presidenti Aurelio De Laurentis dhe përshtypja e parë nuk kishte qenë ndër më të mirat e mundshme.
“Kur mbërrita në Itali, presidenti De Laurentis kërkoi një ‘ulje’ në vlerën e kartonit tim. Kjo, pasi isha 10 centimetra më i shkurtër sesa kishte lexuar ai në internet për mua”, shpjegoi mbrojtësi.