Pas vendimit që morën drejtuesit e Roland Garros për të shtyrë grand slam në fund të shtatorit, për shkak të coronavirus, polemikat në këtë sport janë të mëdha. Kjo, për faktin se grand slam-i parizien do të zhvillohet vetëm një javë pas atij të US Open.
Natyrisdht që është e pamundur për tenistët, si meshkuj ashtu edhe femra, që të zhvillojnë dy turne të tillë të mëdhenj në një periudhë kaq të shkurtër kohore. Për më tepër në dy kontinente të ndryshëm.
US Open, 24 gusht-13 shtator
Roland Garros, 20 shtator-4 tetor
Dy turne të ndryshëm, pas US Open zhvillohet në fushat me çement, ndërsa Roland Garros në fushat me dhè, çka ka sjellë mjaft polemika. Disa tenistë “big” mund të preferojnë turneun amerikan (Djokovic e Federer) e disa të tjerë atë francez (Nadal e Thiem), pasi aty ndjehen më komod.
Për këtë arsye polemikat janë të shumta, pasi tenistët mund të mungojnë në US Open për të qëndruar dhe luajtur në Europë.