Gjithçka fillon nga kritika e ish-presidentit të Juventusit, Cobolli Gigli: “Cristiano Ronaldo u largua për nënën e tij të sëmurë, por më pas e tregoi veten ndërsa po merrte rreze dielli në një pishinë të madhe”. CR7 ishte vënë nën akuzë në Torino, pasi rrodhën pamjet e tij si plazhist nga Madeira, ku është duke kaluar ditët e karantinës, bashkë me familjen e tij.
Sulmit të ish-presidentit bardhezi për yllin portugez iu përgjigj Lapo Elkann, nipi i avokatit, përmes një komenti në Twitter: “I dashur Cobolli Gigli, CR7 gjithmonë ka bërë kaq shumë bamirësi. Gjithashtu, Cristiano, së bashku me Jorge Mendes, dhuruan 35 vende të kujdesit intensiv në spitalet e Portos dhe Lisbonës.
Në vend që ta kritikoje vetëm për dukshmërinë (në pishinë), a nuk duket e përshtatshme të marrësh shembull dhe të falënderosh CR7 dhe të gjithë ata që janë duke bërë SHUMË ndaj kësaj pandemie? CR7, ne të duam”.
