Mbrojtësi i Bajernit, Zherom Boateng theu rregullat e izolimit dhe dali jashtë qytetit me makinën e tij Audi A9, por udhëtimi ishte i pafat për të, pasi për shkak të shpejtësisë së madhe, humbi kontrollin e mjetit dhe u përplas me barrierat anësore.
Për fat të mirë futbollisti nuk pësoi asnjë dëmtim fizik, ndërkohë që dëmi ekonomik për riparimet e makinës është afro 25 mijë euro.
Boateng nuk është mjaftuar me kaq, kjo pasi drejtuesit e Bajernit nuk kanë ndërmend të falin mbrojtësin, që shkeli rregullat e klubit për të qëndruar në izolim dhe e kanë gjobitur me një shumë që ende nuk është bërë e ditur, ndërsa paratë e gjobës do të shkojnë për spitalet në Mynih, që po përballen me situatën. Kujtojmë që 31-vjeçari ishte duke udhëtuar drejt Lajpcigut për të takuar djalin e tij.