Milan Skriniar është padyshim një ndër liderët kryesorë tek Interi, me sllovakun që gjithashtu është një nga lojtarët më të dashur nga tifozët zikaltër.
Paraqitjet e shkëlqyera të mbrojtësit, kanë bërë që shumë klube të interesohen për të. Barcelona, por edhe Manchester City e United nga Premier League duan ta kenë në ekip 25-vjeçarin.
Për Interin duket se Skriniar nuk është i pashitshëm, madje e ka edhe një çmim. “Tuttsport” zbulon se drejtuesit zikaltër kërkojnë 80 milionë euro për ta lënë të lirë Skriniar. Tashmë, është në dorën e Barçës, Cityt apo United, nëse do të ofrojnë shumën që kërkon klubi nga “San Siro”.
