Chelsea është futur në garë për të siguruar shërbimet e yllit të Barcelonës, Philippe Coutinho. Ky i fundit është i huazuar te Bayern Munchen, por as në imagjinatën më të shfrenuar klubi gjerman nuk do të paguajë 120 milionë euro për shërbimet e tij.
Barca nuk do ta mirëpresë në Camp Nou, pasi kërkon t’i gjejë një klub të ri. Coutinho mund të rikthehet në Premier League, aty ku shkëlqeu me Liverpoolin, por këtë herë me një ekip tjetër.
Chelsea është futur në garë për të siguruar shërbimet e tij. Ekipi londinez ka nisur negociatat me lojtarin, por dhe Barcelonën. Marrëveshja mund të arrihet, pasi mund të lumturojë të gjitha palët.
