Ditën e sotme është zhvilluar derbi i parë i Milanos në histori në Playstation. Rafael Leao dhe Sebastiano Esposito u përplasën mes tyre në lojën “PES 2020”, me derbin që u mbyll në barazim 2-2.
Fillimisht, ishte Milan që kaloi në avantazh, ku në fundin e pjesës së parë ishte Rafael Leao që shënoi. Në fillimin e fraksionit të dytë Inter barazoi me anë të Lukakut.
Në minutën e 75-të, Esposito që drejtonte Interin përmbysi gjithçka, me golin që u shënua nga Lautaro Martinez. Gjithsesi, tre minuta më vonë Ibrahimovic shënoi duke mbyllur gjithçka në paqe me shifrat 2-2.
