“Distancimi social” është tema më e përfolur në të gjithë botën në këtë periudhë të vështirë të kushtëzuar nga përhapja e virusit Covid-19. Vende të ndryshme aplikojnë dhe këshillojnë distanca të ndryshme, që duhet të garantojnë sigurinë e personave.
Por sa është distanca e nevojshme? Për ta zgjidhur këtë mendon Usain Bolt. Kampioni dhe rekordmeni i atletikës në mënyrë krejt origjinale tregon se sa duhet të jetë “distanca” e sigurtë. Në një postim në rrjetet sociale ai ka publikuar një foto të kohëve të arta në pistë, kur ishte i paarritshëm dhe linte shumë pas të gjithë rivalët në vijën e finishit.
(balkanweb)
