Juventusi po i afrohet realizimit të objektivit për ta mbajtur yllin e skuadrës Paulo Dibalën për sa më shumë vite në Torino.
Sipas “Gazzetta dello Sport” argjentinasi pritet të rinovojë deri në vitin 2025 duke përfituar 7.5 milionë euro në sezon. Drejtuesit e Juventusit dëshirojnë te Dibala “Del Pieron” e ri. Ai shihet si kapiteni i Juventusit në të ardhmen.
26-vjeçari arriti të kalonte me sukses koronavirusin pasi u infektua së bashku me të fejuarën e tij. Sulmuesi bardhezi u rikthye në stërvitje me skuadrën javën e kaluar.
