Prej kohësh deklaron se është gati që të mbyllë karrierën e tij te Bazeli, por Talaunt Xhaka duket se po bëhet gati që t’i japë lamtumirën klubit ku ka kaluar thuajse të gjithë karrieën e tij futbollistike.
Mesfushori i përfaqësueses shqiptare, nuk ka gjetur gjuhën e përbashkët për rinovimin e kontratës me klubin zviceran dhe parashikohet që në sezonin e ardhshëm të transferohet në një kampionat tjetër.
Mediat në Turqi prej kohësh kanë publikuar lajme për interesimin e Beshiktashit për futbollistin, por sot e kanë bërë të sigurt transferimin e tij gjatë verës te gjigandët e futbollit turk.
Sipas tyre, ka qenë vetë Xhaka i cili duke parë se kontrata nuk po i rinovohet nga klubi, ka kërkuar që ta lënë të lirë të largohet në verë.
Në këtë mënyrë, Bazeli ka pranuar kërkesën e lojtarit duke e nxjerrë në shitje para përfundimit të marrëveshjes mes palëve që skadon në qershor 2021.
Beshiktashi ka bërë hap para duke nisur kontaktin me klubin zviceran për Xhakën, me marrëveshjen e transferimit që mund të mbyllet në ditët në vijim.
Ky do të ishte klubi i tretë në karrierën si profesionist për Taulant Xhakën, i cili deri tani ka luajtur vetëm me fanellën e Bazelit dhe të Grasshopers
