Zërat se brenda Barcelonës punët nuk po shkojnë aspak pas barazimit me Selta Vigon 2-2 u është shtuar dhe një video e publikuar nga mediat spanjolle të takimit në Balaidos.
Gjatë momentit kur skuadrat po freskoheshin në pjesën e dytë, Mesi injoron totalisht zv/trajnerin Eder Sarabia, i cili tenton të komunikojë me argjentinasin, por ky e injoron dhe nuk e vështron fare.
Luis Suarez i thërret shokut të skuadrës, por Mesi largohet drejt fushës.
Në Spanjë raportohet se skuadra është acaruar me trajnerin Kike Setien për besimin e tepërt që i ka dhënë Antuan Grizmanit, i cili ende nuk ka dhënë maksimumin me fanelën katalanase.
Barazimi 2-2 me Selta Vigon i kushtoi Barcelonës vendin e parë në kampionat pasi Reali kryeson me dy pikë më shumë se rivaliteti i përjetshëm blaugrana.
