Shënoi në ditën e datëlindjes së tij kundër Njukasëllit, duke ndihmuar skuadrën e Sitit që të kualifikohej në gjysmëfinalen e Kupës FA.
Dhe gjatë intervistës pas ndeshjes, Kevin de Bryjne mori një ftesë të çuditshme nga trajneri i rivalëve, Stiv Brus. Në momentin që mesfushori i Sitit po u përgjigjej pyetjeve të gazetarëve, trajneri i “Qymyrxhinjve” i erdhi nga pas dhe e ndërpreu duke thënë:
“Ai do të qëndrojë këtu. Ja një lajm ekskluziv nga Njukasëlli sonte. Boll më te Mançester Siti. Tani ai do të vijë të luajë te Njukasëlli”.
Sigurisht që belgu e priti me buzëqeshje shakanë e Brusit, ndonëse ai ka pranuar se e ardhmja e tij në “Etihad” varet nga pezullimi i klubit në Europë
