Akuzave për abuzim me detyrën për presidentin e FIFA-s Xhani Infantino u ka shtuar zërin dhe ish-drejtuesi i futbollit botëror Sep Blater.
Pasi mediat e huaja raportuan se Infantino ishte takuar me Prokurorin Federal të Zvicrës Majkëll Lauber në vitin 2017, Blater i kërkoi hapur FIFA-s të përjashtojë Infantinon për abuzim me detyrën duke trysnuar prokurorin e lartë Lauber, i cili ka dhënë dorëheqjen pas skandalit.
“Për mua situata është e qartë, Komiteti i Etikës së FIFA-s duhet të nisë procedurat kundër zotit Infantino dhe ta përjashtojë atë”, shkruan 84-vjeçari Blater.
Infantino këmbënguli se takimi me prokurorin e lartë të Zvicrës ka shërbyer në funksion të përmirësimit të imazhit të futbollit pas skandaleve të shumta që po dalin prej vitesh.
