Më tepër sesa fitorja, janë 6 golat që kënaqin trajnerin e Interit Antonio Konte pas fitores së thellë 6-0 ndaj Breshas.
Nuk ishte e vështirë të kuptohej përfundimi i ndeshjes pasi Interi zhbllokoi takimin brenda 5 minutave kur Eshli Jang shpërbleu në mënyrë perfekte asistin e Aleksis Sançezit. Çerek ore më vonë, kiliani nuk gabon nga 11 metra dhe dyfishon shifrat. Për të mbyllur takimin njëherë e mirë mendoi D’Ambrozio trefishoi shifrat duke goditur saktë me kokë.
Skuadra e Kontes nuk e uli ritmin as pjesën e dytë, ku Galiardini, Eriksen dhe Kandreva menduan t’i shtonin spektaklin takimit.
Interi konsolidon vendin e tretë në kampionat dhe shpreson që Lacio e vendit të dytë të hedhë hap fals.
