Falë dy golave të shënuar kundër Arsenal Tulës, futbollisti i Shqipërisë Odise Roshi u vlerësua me të drejtë si “Lojtari i ndeshjes”.
Çmimi iu dha nga mediat ruse pas përfundimit të takimit me rezultatin 1-3 në favor të Akhmatit.
Roshi po kryen një nga sezonet më të mira të karrierës së tij në Rusi, ku këtë edicion ka realizuar 8 gola.
Njërin prej golave 29-vjeçari e realizoi me penallti, ndërsa goli i dytë ishte një goditje fantastike brenda zonës së kundërshtarit duke firmosur 3 pikët e çmuara.
