Zlatan Ibrahimovic nuk është asnjëherë banal dhe madje vazhdon të thotë atë që mendon duke mos u fshur. Ishte data 9 shkurt e këtij viti dhe Milani sapo kishte dalë nga fusha e “San Siro”-s me kocka të thyera pas humbjes në derbin ndaj Interit.
Pas një pjese të parë të dominuar dhe me dy gola (njërin e shënoi suedezi) në 45′ e dyta pati blackout te kuqezinjtë teksa Interi shënoi katër herë duke fituar dhe duke e parë veten në vitin perfekt për të fituar titullin…
Por, nuk ishte i këtij mendimi Zlatan Ibrahimovic, që i ngacmuar pas ndeshjes e preku shkurt: “Ky Inter nuk është për titull!”. Në atë moment të gjithë e morën për inat personal ndaj zikaltërve dhe xhelozi, por në fakt suedezi me atë që pa në fushë e parashikoi në mënyrë perfekte, aq sa sot skuadra e Contes ndodhet 11 pikë larg Juventusit.