I vetmi dyshim që Stefano Pioli ka për formacionin kundër Juventusit është nëse do të arrijë të rikuperojë Çalhanoglunë.
Pikërisht së fundmi mediat italiane raportojnë se mesfushori është rikuperuar dhe do të jetë i gatshëm për ndeshjen e sotme. Mesfushori turk pësoi një kontraktim muskulor në pulpë në ndeshjen Lacio-Milan.
Ai është shumë i rëndësishëm për “Djallin” në këtë periudhë, ku ka marrë pjesë në katër gola në katër ndeshjet e fundit në kampionat: 2 gola dhe 2 asiste. Këtë kampionat numri 10 ka shënuar 5 gola dhe është vetëm 1 gol larg rekordit të tij në sezonin 2017-’18.
