Adrien Rabio mund të përdoret nga Juventusi si kartë për të siguruar shërbimet e bashkëkombasit Aleksandër Lakazet.
“Calciomercato” shkruan se drejtuesit e klubit bardhezi dëshirojnë të gjejnë një sulmues të ri për të zëvendësuar Gonzalo Higuainin. Pavarësisht se Rabio ka bërë paraqitje pozitive me skuadrën që pas rifillimit të kampionatit, këmbëngulja e tij për të mos pranuar reduktim të pagës për shkak të krizës financiare të shkaktuar prej koronavirusit mund ta shtyjë Juventusin të sakrifikojë ish-futbollistin e PSG-së për ta shkëmbyer me sulmuesin e Arsenalit.
Juventus po provon disa emra për të sjellë në Torino për të marrë vendin e qendërsulmuesit.
“Zonja e Vjetër” siguroi shërbimet e mesfushorit të Barcelonës Artur Melo duke i ofruar boshnjakun Miralem Pjaniç.