Një lajm i keq ka ardhur nga Spanja aty ku gjashtë lojtarë të Fuenlabrada kanë rezultuar pozitivë ndaj COVID-19. Ky ekip e ka në kalendar të luajë sot kundër La Corunas në transfertë prej orës 21:00, por La Liga po konsideron shtyerjen e të gjithë javës.
Drejtuesit e kampionatit kanë marrë vendimin përfundimtar dhe do të luhen të gjitha ndeshjet e tjera, përveç sfidës ndërmjet La Corunas kundër Fuenlabrada. Kjo krijon pakënaqësi të shumta, pasi vendasit luftojnë për të mbijetuar, ndërsa miqtë për play-off.
Një shtyerje e tillë mund të ndikojë direkt në rezultatin e ndeshjes, pasi të dy skuadrat kur të luajnë i dinë rezultatet e ekipeve të tjera. La Liga u mblodh shumë shpejt dhe vendosi në këtë mënyrë.
