Aventura e Mario Mandzukiç në Katar me Al Duhail ka zgjatur vetëm 6 muaj dhe shumë shpejt pritet ta shikojmë në Europë.
Sipas lajmeve të fundit, sulmuesi kroat i cili ka mbyllur kontratën me klubin nga Katari është shumë afër kalimit te Gallatasaraji.
Klubi turk është në kërkim të një sulmuesi dhe ka piketuar ish-lojtarin e Juventusit. Mediat turke raportojnë se marrëveshja është shumë afër dhe pritet që shumë shpejt Mandzukiçin ta shikojmë me fanellën e Gallatasarajit.
Falkao ka shfaqur probleme të vazhdueshme me dëmtimet dhe për këtë arsye klubi turk ka hedhur vështrimin nga 34-vjeçari kroat.
