Inter ka njoftuar zyrtarisht se klubi do të rimbursojë të gjitha biletat e ndeshjeve që janë luajtur pa tifozë. Zikaltërit lajmëruan kthimin e parave për biletat e blera në uebsajtin zyrtar.
“Duke marrë shkas nga situata e vështirë dhe e pazakontë prej Covid-19, Inter lajmëron se të gjitha biletat e blera për sezonin 2019-2020 të ndeshjeve që janë luajtur pa tifozë do të rimbursohen”.
Që prej rifillimit të kampionatit prej ndalesës nga pandemia ndeshjet në pothuajse të gjitha ligat e botës janë zhvilluar pa tifozë, kjo prej frikës së përhapjes së koronavirusit.
