Jan Vertonghen thotë se e ka një ide se cili do jetë klubi i ardhshëm pas largimit nga Totenhemi. Belgu do largohet nga Totenhemi pasi i skadoi kontrata dhe nuk pranoi të rinovonte me skuadrën angleze.
Belgu do jetë një lojtar i lirë dhe do e zgjedhë vetë ekipin e tij të ardhshëm. I pyetur nga “TalkSport” se cili do jetë klubi i tij i ardhshëm, Vertongen u përgjigj: “E kam një ide se cili do jetë klubi im i ardhshëm dhe do shohim nëse do realizohet. Tani merkatoja është zgjatur pak dhe do kem mundësinë të zgjedh opsionin më të mirë”.
Për Vertongenin interes të madh ka shprehur Interi, me Antonio Konten që e pëlqen shumë lojtarin belg.
