Pas gjashtë vitesh, Partizani ka mundësi që të kalojë një verë pa angazhime në Kupat e Europës. Pikërisht kjo ndodh në një nga sezonet më të investuara të epokës “Demi” në Superiore.
Në këto kushte të dështimi të klubit, lojtarët kanë mundësi që të shijojnë pushime disi më të zgjatura dhe të qeta. Pikërisht bëhet fjalë për atë grup futbollistësh që e kanë të sigurt vazhdimësinë.
Klubi akoma nuk ka përpiluar axhendë të saktë për fillimin e punës për sezonin e ri, por gjasat janë që ekipi të pushojë dy javë. Rifillimi i punës varet edhe nga emërimi i stafit të ri, si dhe zhbllokimit të merkatos, ku presin përgjigjen nga KAS-i. Drejtuesit e klubit kanë besim se nga gjysma e muajt gusht do të jetë zgjidhur ngërçi i afrimeve në merkaton e verës.
