Trajneri Andrea Pirlo mori drejtimin e Juventusit dhe duket se do të nisë një revolucion të plotë te kampionët e Serie A. Ai i ka bërë me dije Matuidisë dhe Khedirës që nuk i ka në plane.
E njëjta gjë vlen dhe për Gonzalo Higuainin që do të mundohet të gjejë një klub të ri. Emri tjetër që pritet të largohet është Aaron Ramsey. Uellsiani mund ta mbyllë aventurën e tij me bardhezinjtë vetëm pas një viti.
Ish-lojtari i Arsenalit u afrua me kosto zero, por nuk ka arritur të lërë shenjë te skuadra italiane. Ai ka luajtur goxha ndeshje si titullar, por pavarësisht kësaj forma e tij nuk ka qenë e mirë, prandaj dhe Pirlo ka marrë një vendim të tillë.
