Andrea Pirlo do të nisë së shpejti eksperiencën e parë si trajner në një stol big si Juventusi, që vjen pas 9 titujsh radhazi, me dëshirën për të provuar sezonin tjetër Champions League, ku vitet e fundit ka dalë shumë shpejt nga gara…
Merkato ende nuk ka nisur, por Pirlo i ka idetë e qarta, ose më saktë, i ka pasur përpara 1 viti…
Në maj të vitit 2019, i ftuar te “Sky Sport”, mesfushori tha se cila do të ishte sipas tij blerja ideale për Juventusin, në kuadër të synimit të Champions League: “Një Isco, për mendimin tim. Jemi në një nivel tjetër, por duhet të fitosh Ligën e Kampionëve dhe të duhet një mesfushë e fortë! Duhet të kesh cilësi dhe teknikë në atë repart, për të furnizuar sulmin dhe Ronaldon ashtu si duhet. Kështu shkohet deri në fund të Champions”.
Por, një tjetër dëshirë e Pirlos është De Jong i Barcelonas, kur në shtator 2019 e konsideroi si pasuesin e tij:
“Rreth botës mbase ai ekziston. i vetmi që mund të duket si unë mund të jetë De Jong. Pjanic ngjan me mua, por jemi të ndryshëm”.
