Lioni ia doli të eliminojë Mançester Sitin në çerekfinalen e Ligës së Kampioneve, duke kaluar në gjysmëfinale, ndonëse francezët nuk konsideroheshin aspak favoritë.
Tashmë për herë të parë në histori, në gjysmëfinalen e Champions-it, do të jenë dy ekipe franceze. Shpesh here, kampionati francez shihet si një kampionat pa rivalitet dhe i dobët. Madje në shumë raste është quajtur edhe si “liga e fermerëve”.
Pikërisht duke u nisur nga kjo dhe nga suksesi i Lionit, ylli i PSG-së, Kilian Mbape ka thumbuar kritikët. Në profilin e tij zyrtar, pas kualifikimit të Lionit sulmuesi shkruan: “Liga e fermerëve”, duke e shoqëruar me duartrokitje për Lionin.
