Talenti shqiptar Bernard Karrica, ishte protagonist mbrëmjen e sotme, në ndeshjen e Europës, me fanellën e Dinamos së Zagrebit. Sulmuesi 19-vjeçar, gjeti rrugën e rrjetës në minutën e 16-të, teksa me një lëvizje mjeshtërore, e ngriti topin sipër portierit të Benfikës U-19, duke kaluar në avantazh skuadrën kroate.
Pavarësisht golit të Karricës, Dinamo, nuk arriti të ruante epërsinë, duke u mposhtur nga portugezët, të cilët arritën të shënonin 3 herë në portën e kroatëve.
Për sa i përket sulmuesit shqiptar, vlen të theksohet se Karrica, është pjesë e Kombëtareve të moshave, teksa bëhet fjalë për një djalosh me një të ardhme tepër premtuese.
