Henrik Mkhitaryan beson se Arsenal duhet të përqendrohet në çdo ndeshje, si bëri kundër Ostersunds FK në Europa League, ku arriti fitoren 3-0 në Suedi, e cila i afron me kualifikimin për në 1/8-t e finaleve të kësaj veprimtarie. Monreal shënoi golin e parë për “topçinjtë”, 13 minuta përpara autogolit të Papagiannopoulos. Kur u mbush një orë lojë Mesut Ozil realizoi golin e tretë për ekipin e Arsene Wenger që duket i sigurt për kualifikimin, edhe pse Mhkitaryan mendon se gjithçka mbetet e hapur.
“Ata kishin më shumë kohë për ta përgatitur këtë ndeshje sepse janë pushim në kampionatin e tyre, ndërsa ne po luajmë çdo tre ditë. Kjo ishte një arsye për të cilat mendoj se ishte një ndeshje shumë e vështirë, të cilën e zgjidhëm mirë me dy gola që në fillim, – tha Mhkitaryan. – E kemi ndjekur në video Osterseund dhe i respektuam ata. Përse jo? Ne do të luftojmë deri në fund për të fituar Europa League. Duhet të luajmë të përqendruar në çdo ndeshje, sepse përqendrimi është shumë i rëndësishëm për arritjen e fitores. Nuk jemi ende në kualifikuar dhe mendoj se duhet të japim më të mirën edhe në fushën tonë për t’ia dalë mbanë.”
