Mbrojtësi i Kosovës, Mërgim Vojvoda, la ekipin e Standart Liege dhe iu bashkua Romës. Shqiptari bën hapin e madh, pasi do të luajë në Serie A sezonin e ardhshëm. Torino e ka prezantuar para medieve lojtarin dhe ky i fundit ndau përshtypjet e para me gazetarët.
“Përshtypjet e mia të para për Torinon janë shumë pozitive. Gjithmonë më ka tërhequr Serie A dhe jam shumë i lumtur që jam këtu. Unë mund të luaj shumë role në fushën e lojës, por pozicioni im i preferuar është si mbrojtës i djathtë.
“Jam këtu për disa arsye, por kur isha te Standard Liege, Gillet më bindi që të firmos për Torinon, duke më treguar se sa klub i mirë është. Sajmir Ujkani është një emër tjetër që pati ndikim në vendimin tim.
“Kam një histori të dhimbshme, që më ka ndihmuar shumë në jetën time. Babai im ishte ushtar, na u desh të fluturonim drejt Gjermanisë dhe të riktheheshim në Kosovë, pasi nuk kishim dokumente. Por pavarësisht të gjithave, jam shumë krenar për historinë e familjes time. Kemi vuajtur, por kjo gjë më ka forcuar mua si njeri”, – tha Vojvoda.
